ຄູ່ມືລູກຄ້າ

ໃຊ້ LITTLE EXPRESS ແນວໃດ

ຕິດຕາມພັດສະດຸ, ຈ່າຍຄ່າສົ່ງ ແລະ ໃຊ້ບໍລິການ COD / ໂອນເງິນ ຈາກມືຖືຂອງທ່ານ. ແຕະຮູບເພື່ອເບິ່ງຂະໜາດໃຫຍ່.

ແອັບລູກຄ້າ: https://littleexpresslao.com/c ເວັບໄຊ: https://littleexpresslao.com (ທີ່ຢູ່ສາງໄທ, ໂປຣ, ຕິດຕັ້ງແອັບ)

ຊື່, ເບີໂທ ແລະ ລາຄາໃນຮູບ ແມ່ນຕົວຢ່າງ.

1 · ລິ້ງແຈ້ງພັດສະດຸເບິ່ງພັດສະດຸ ແລະ ຈ່າຍເງິນ — ບໍ່ຕ້ອງເຂົ້າລະບົບ 2 · ແອັບລູກຄ້າເຂົ້າດ້ວຍເບີໂທ + PIN ເບິ່ງພັດສະດຸທັງໝົດຂອງທ່ານ 3 · ບໍລິການສັ່ງ COD, ໂອນເງິນເຂົ້າບັນຊີໄທ, ຫາສາຂາ

1 · ລິ້ງແຈ້ງພັດສະດຸ

ເມື່ອພັດສະດຸຮອດ ຮ້ານຈະສົ່ງລິ້ງໃຫ້ທ່ານ

ແຕະລິ້ງທີ່ໄດ້ຮັບທາງ WhatsApp ຫຼື Messenger — ເປີດໄດ້ເລີຍ ບໍ່ຕ້ອງເຂົ້າລະບົບ.
ເບິ່ງວ່າພັດສະດຸຮອດຂັ້ນໃດ, ຮູບ, ຂະໜາດ ແລະ ນ້ຳໜັກ.
ເລື່ອນລົງ: ເຫັນ ຍອດທີ່ຕ້ອງຈ່າຍ ແລະ QR ຂອງຮ້ານ.
ຈ່າຍກ່ອນໄດ້: ສະແກນ QR ດ້ວຍແອັບທະນາຄານ → ກົດ ແນບສະລິບ → ເລືອກຮູບສະລິບ → ສົ່ງ.
ຮ້ານກວດສະລິບແລ້ວ ສະຖານະຈະເປັນ ຈ່າຍແລ້ວ. ມາຮັບເຄື່ອງໄດ້ເລີຍ.

ຖ້າຮ້ານແຈ້ງວ່າ ຍອດບໍ່ກົງ — ເປີດລິ້ງເກົ່າ ແລ້ວສົ່ງສະລິບໃໝ່ໄດ້. ຈະຈ່າຍເງິນສົດຕອນມາຮັບກໍໄດ້.

2 · ແອັບລູກຄ້າ

ເບິ່ງພັດສະດຸ, COD ແລະ ການໂອນເງິນ ທັງໝົດທີ່ເປັນຂອງເບີທ່ານ ໃນບ່ອນດຽວ.

ຄັ້ງທຳອິດ: ຂໍລິ້ງຈາກຮ້ານ ແລ້ວຕັ້ງ PIN

ທັກຫາຮ້ານ ຂໍ ລິ້ງເຂົ້າແອັບລູກຄ້າ (ຮ້ານຈະສົ່ງໃຫ້ທາງ WhatsApp / Messenger).
ແຕະລິ້ງ → ເຂົ້າແອັບທັນທີ ບໍ່ຕ້ອງພິມຫຍັງ.
ຕັ້ງ PIN 6 ຕົວເລກ ທີ່ຈື່ໄດ້ (ຫ້າມ 123456, 111111 ແລະ ຕົວເລກລຽງກັນ) → ບັນທຶກ.

ລິ້ງໃຊ້ໄດ້ ຄັ້ງດຽວ ພາຍໃນ 7 ວັນ. ຢ່າສົ່ງລິ້ງນີ້ຕໍ່ໃຫ້ຄົນອື່ນ.

ຄັ້ງຕໍ່ໄປ: ເບີໂທ + PIN

ເປີດ https://littleexpresslao.com/c (ມືຖືເຄື່ອງໃດກໍໄດ້).
ແຖບ ຂອງຂ້ອຍ → ໃສ່ ເບີໂທ ແລະ PIN → ເຂົ້າສູ່ລະບົບ.
ແຕະລາຍການ ເພື່ອເບິ່ງລາຍລະອຽດ ແລະ ແນບສະລິບ.

ເອົາແອັບໄວ້ໜ້າຈໍ: ເປີດລິ້ງໃນ Chrome → ແຕະ ⋮ (ມຸມຂວາເທິງ) → ເພີ່ມໃສ່ໜ້າຫຼັກ (Add to Home screen). ໃນ iPhone: Safari → ປຸ່ມແບ່ງປັນ → Add to Home Screen.

ໃສ່ PIN ຜິດ 5 ເທື່ອ ຈະລັອກ 15 ນາທີ. ລືມ PIN ຫຼື ປ່ຽນມືຖື — ທັກຫາຮ້ານ ຂໍລິ້ງໃໝ່. ປ່ຽນ PIN ໄດ້ທີ່ປຸ່ມບັນຊີ (ມຸມຂວາເທິງ).

ເຂົ້າດ້ວຍເບີ ແລະ PIN — ເຂົ້າດ້ວຍ ເບີ + PIN

ຕິດຕາມພັດສະດຸ (ບໍ່ຕ້ອງເຂົ້າລະບົບ)

ແຖບ ຕິດຕາມ → ພິມ ຫຼື ວາງເລກພັດສະດຸ (ເລກຈາກ Shopee, Lazada, Kerry, Flash …) → ຄົ້ນຫາ. ຈະເຫັນວ່າຢູ່ຂັ້ນໃດ: ຮອດໜອງຄາຍ → ຢູ່ເທິງລົດ → ຮອດສຳນັກງານໃຫຍ່ → ມອບແລ້ວ.

3 · ບໍລິການ

ສັ່ງເກັບປາຍທາງ (COD)

ສັ່ງເຄື່ອງແບບເກັບເງິນປາຍທາງ ສົ່ງມາໜອງຄາຍ — ຮ້ານຈ່າຍແທນໃຫ້ ແລ້ວທ່ານຈ່າຍຄືນ.

ແຖບ ບໍລິການ → ສ້າງຄຳສັ່ງເກັບປາຍທາງ (COD) (ຕ້ອງເຂົ້າລະບົບກ່ອນ).
ໃສ່ ເລກພັດສະດຸ, ຊື່ຮ້ານ, ຍອດເກັບປາຍທາງ (ບາດ) → ສົ່ງ.
ເມື່ອເຄື່ອງຮອດ ຮ້ານຈະແຈ້ງ — ຈ່າຍດ້ວຍ QR ແລະ ແນບສະລິບ ໃນແຖບ "ຂອງຂ້ອຍ".

ໂອນເງິນເຂົ້າບັນຊີໄທ

ແຖບ ບໍລິການ → ຂໍໃຊ້ບໍລິການໂອນເງິນ, ຫຼື ເປີດລິ້ງໂອນເງິນທີ່ຮ້ານສົ່ງໃຫ້.
ໃສ່ ທະນາຄານ, ເລກບັນຊີ, ຊື່ບັນຊີ ແລະ ຍອດໂອນ (ບາດ).
ລະບົບຄິດ ຄ່າບໍລິການ ແລະ ຍອດລວມເປັນກີບ ໃຫ້ເລີຍ → ສະແກນ QR ຈ່າຍ → ແນບສະລິບ.
ຮ້ານໂອນໃຫ້ແລ້ວ ຈະແນບສະລິບຝັ່ງໄທໃຫ້ທ່ານເບິ່ງໃນລິ້ງດຽວກັນ.

ກວດ ເລກບັນຊີ ແລະ ຊື່ບັນຊີ ໃຫ້ຖືກກ່ອນສົ່ງທຸກຄັ້ງ.

ສາຂາ ແລະ ຈຸດບໍລິການ

ແຖບ ສາຂາ: ທີ່ຕັ້ງ, ເວລາເປີດ, ປຸ່ມ ໂທ ແລະ ແຜນທີ່ ຂອງທຸກສາຂາ — ໜອງຄາຍ, ສຳນັກງານໃຫຍ່ ອາຊຽນມໍລ ແລະ ສາຂາໃນນະຄອນຫຼວງ.

ຄຳຖາມທີ່ພົບເລື້ອຍ

ເຂົ້າແອັບບໍ່ໄດ້ / ລືມ PIN?

ທັກຫາຮ້ານ ຂໍລິ້ງເຂົ້າແອັບໃໝ່ — ແຕະລິ້ງແລ້ວຕັ້ງ PIN ໃໝ່ໄດ້ເລີຍ.

ລິ້ງບອກວ່າ "ໃຊ້ແລ້ວ" ຫຼື "ໝົດອາຍຸ"?

ລິ້ງເຂົ້າແອັບໃຊ້ໄດ້ຄັ້ງດຽວ ພາຍໃນ 7 ວັນ. ຖ້າຕັ້ງ PIN ແລ້ວ ໃຫ້ເຂົ້າດ້ວຍ ເບີ + PIN; ຖ້າຍັງ ໃຫ້ຂໍລິ້ງໃໝ່.

ບໍ່ເຫັນພັດສະດຸຂອງຂ້ອຍໃນແຖບ "ຂອງຂ້ອຍ"?

ພັດສະດຸຈະຂຶ້ນເມື່ອຮ້ານບັນທຶກກັບເບີຂອງທ່ານແລ້ວ. ລອງຄົ້ນຫາໃນແຖບ "ຕິດຕາມ", ຫຼື ແຈ້ງເລກພັດສະດຸໃຫ້ຮ້ານ.

ສົ່ງສະລິບແລ້ວ ແຕ່ຍັງບໍ່ "ຈ່າຍແລ້ວ"?

ຮ້ານຕ້ອງກວດສະລິບກ່ອນ — ປົກກະຕິບໍ່ດົນ ໃນເວລາເຮັດການ. ຖ້າຂຶ້ນ "ຍອດບໍ່ກົງ" ໃຫ້ສົ່ງສະລິບໃໝ່.