ຄູ່ມື LITTLE EXPRESS

ເຂົ້າສູ່ລະບົບ

1. ເປີດແອັບ (ຈະມີ intro ລົດແລ່ນ 2 ວິນາທີ — ແຕະເພື່ອຂ້າມໄດ້).
2. ໃສ່ ອີເມວ ແລະ ລະຫັດຜ່ານ ທີ່ເຈົ້າຂອງຮ້ານສ້າງໃຫ້ → ກົດ ເຂົ້າສູ່ລະບົບ.
3. ປ່ຽນພາສາ ລາວ / ໄທ / EN ໄດ້ທີ່ມຸມຂວາເທິງ.

ລະບົບຈື່ການເຂົ້າສູ່ລະບົບໄວ້ — ເປີດຄັ້ງຕໍ່ໄປບໍ່ຕ້ອງໃສ່ລະຫັດອີກ. ລືມລະຫັດ: ກົດ "ລືມລະຫັດຜ່ານ?" ຫຼື ໃຫ້ເຈົ້າຂອງຕັ້ງໃໝ່ໃຫ້.

ສາຂາ ແລະ ໜ້າຫຼັກ

ພະນັກງານແຕ່ລະຄົນຖືກຜູກກັບສາຂາຂອງຕົນ — ແອັບຈະສະແດງເມນູຂອງສາຂານັ້ນເອງ. ເຈົ້າຂອງຮ້ານ ກົດຊື່ສາຂາທີ່ຫົວຈໍ ເພື່ອສະຫຼັບເບິ່ງສາຂາໃດກໍໄດ້.

• ສະແກນດ່ວນ (ປຸ່ມສົ້ມໃຫຍ່): ຍິງເລກພັດສະດຸໃດກໍໄດ້ — ລະບົບບອກເອງວ່າຕ້ອງສະແກນເຂົ້າ ຫຼື ອອກ.
• ປ້າຍວຽກຄ້າງ (ສະລິບລໍກວດ, COD ຄ້າງ, ບິນຄ້າງຈ່າຍ…) — ແຕະເພື່ອໄປເຮັດວຽກນັ້ນເລີຍ.
• ເມນູວຽກ 1–7 ຂອງ HQ ຢູ່ລຸ່ມ.

ໜ້າຫຼັກໜອງຄາຍ

ເຫັນຈຳນວນອໍເດີມື້ນີ້, ກ່ອງທີ່ ລໍຂຶ້ນລົດ, ຮອບລົດມື້ນີ້ ແລະ ອໍເດີລ່າສຸດ. ກົດ ສ້າງອໍເດີໃໝ່ ເພື່ອເລີ່ມ.

ສ້າງອໍເດີ

1. ສະແກນເລກພັດສະດຸ — ໃນມືຖືແມ່ນເປີດກ້ອງ; ໃນຄອມໃຊ້ປືນຍິງ ຫຼື ພິມເລກແລ້ວກົດ Enter. ເລກອໍເດີ NK- ແລະ ວັນທີ ຂຶ້ນເອງ.
2. ລູກຄ້າ — ພິມລະຫັດ LX-, ຊື່ ຫຼື ເບີໂທ ແລ້ວເລືອກ. ບໍ່ຮູ້ເຈົ້າຂອງກໍບັນທຶກໄດ້ — HQ ຈະຈັບຄູ່ຕອນສະແກນເຂົ້າ.
3. ຄ່າຮັບພັດສະດຸ 0 / 5 / 10 ບາດ — ບວກເຂົ້າຍອດທີ່ລູກຄ້າຈ່າຍຕອນຮັບເຄື່ອງ.
4. ຂະໜາດກ່ອງ — ເລືອກກ່ອງມາດຕະຖານ (00, 0, A, AA, 2A, B … E) ຫຼື ກົດ "ລະບຸຂະໜາດເອງ".
5. ນ້ຳໜັກ — ກົດ − / + ຫຼື ພິມ. ຖ່າຍຮູບພັດສະດຸ ແລະ ໝາຍເຫດ (ບໍ່ບັງຄັບ).
6. ກົດ ບັນທຶກ, ຫຼື ບັນທຶກ + ສະແກນຊິ້ນຕໍ່ໄປ ເພື່ອຮັບກ່ອງຕໍ່ໄປທັນທີ (ຈື່ຄ່າຮັບ ແລະ ກ່ອງໄວ້ໃຫ້).

ຖ້າເລກພັດສະດຸນີ້ມີອໍເດີແລ້ວ ແອັບຈະແຈ້ງເຕືອນ — ບໍ່ສ້າງຊ້ຳ. ຜູ້ສ້າງອໍເດີ ບັນທຶກຕາມບັນຊີທີ່ login ອັດຕະໂນມັດ.

ລາຍການອໍເດີ ແລະ ປິດຮອບລົດ

1. ແຖບ ອໍເດີ: ຄົ້ນຫາ ແລະ ກັ່ນຕອງ ມື້ນີ້ / ລໍຂຶ້ນລົດ / ທັງໝົດ. ອໍເດີທີ່ຍັງບໍ່ຂຶ້ນລົດ ແຕະເພື່ອແກ້ໄຂໄດ້.
2. ຕອນລົດຈະອອກ: ແຖບ ຮອບລົດ → ກ່ອງທີ່ລໍຂຶ້ນລົດ ຖືກໝາຍໄວ້ທັງໝົດ (ເອົາອອກໄດ້).
3. ກົດ ປິດຮອບ + ພິມໃບສົ່ງຂອງ → ໄດ້ຮອບ SH- ແລະ ໃບລາຍການ PDF ໃຫ້ຄົນຂັບ. ສະຖານະທຸກກ່ອງ → "ຢູ່ເທິງລົດ".

ບໍ່ມີເນັດ? ສ້າງອໍເດີໄດ້ຄືເກົ່າ — ແອັບບັນທຶກໄວ້ໃນເຄື່ອງ (ເລກຂຶ້ນ NK-······ "ລໍສົ່ງຂຶ້ນ") ແລະ ສົ່ງຂຶ້ນເອງເມື່ອເນັດກັບມາ. ການປິດຮອບລົດຕ້ອງມີເນັດ.

1 · ສະແກນເຂົ້າຄັງ

1. ຍິງເລກພັດສະດຸ → ຂະໜາດ, ນ້ຳໜັກ, ລູກຄ້າ ແລະ ຮູບ ດຶງມາຈາກອໍເດີໜອງຄາຍເອງ (ແກ້ໄດ້ຖ້າຊັ່ງໃໝ່ບໍ່ກົງ).
2. ເລືອກ ພັດສະດຸນີ້ເປັນຂອງ: ລູກຄ້າ (ເລືອກລູກຄ້າ) · ສາຂາ (ເລືອກສາຂາ) · ຕົວແທນ (ພິມຊື່ຕົວແທນ). ສາຂາ/ຕົວແທນ ໃສ່ "ຊື່ລູກຄ້າປາຍທາງ" ໄດ້ — ຈະຂຶ້ນໃນບິນ.
3. ຄ່າຂົນສົ່ງຄິດອັດຕະໂນມັດ ຈາກຕາຕະລາງລາຄາຂອງປະເພດນັ້ນ: ຄິດທັງຕາມຂະໜາດ (ກວ້າງ+ຍາວ+ສູງ) ແລະ ນ້ຳໜັກ ແລ້ວເອົາອັນທີ່ແພງກວ່າ. ຄ່າຮັບໜອງຄາຍ (ບາດ) ປ່ຽນເປັນກີບຕາມອັດຕາມື້ນີ້ ແລ້ວບວກໃຫ້.
4. ກົດ ແກ້ລາຄາ ຖ້າຕ້ອງການລາຄາພິເສດ.
5. ກົດ ຢືນຢັນເຂົ້າຄັງ → ໄດ້ເລກ AM-, ສະຖານະ "ຮອດ HQ".

ແຈ້ງລູກຄ້າດ້ວຍລິ້ງ

ຫຼັງບັນທຶກ ຈະຂຶ້ນກ່ອງ ແຈ້ງລູກຄ້າ: ກົດ WhatsApp / Messenger / ສຳເນົາ ເພື່ອສົ່ງລິ້ງ. ລູກຄ້າເປີດລິ້ງເບິ່ງໄດ້ເລີຍ ບໍ່ຕ້ອງ login:

• ພັດສະດຸຢູ່ຂັ້ນໃດ, ຮູບ, ຂະໜາດ, ນ້ຳໜັກ.
• ຍອດທີ່ຕ້ອງຈ່າຍ (ຄ່າຂົນສົ່ງ + ຄ່າຮັບໜອງຄາຍ).
• QR ຂອງຮ້ານ ເພື່ອຈ່າຍກ່ອນ ແລະ ແນບສະລິບ — ສະລິບຈະເດັ້ງເຂົ້າ "ສະລິບລໍກວດ" ຢູ່ HQ.

ກ່ອງຂອງສາຂາ ແລະ ຕົວແທນ: ລູກຄ້າປາຍທາງ ບໍ່ເຫັນລາຄາທີ່ HQ ເກັບສາຂາ — ເຫັນແຕ່ລາຄາຂອງສາຂາ.

ກວດສະລິບ

ສະລິບທຸກປະເພດ (ພັດສະດຸ, COD, ໂອນເງິນ, ສົ່ງລາວ→ໄທ) ລວມຢູ່ບ່ອນດຽວ — ແຕະປ້າຍ ສະລິບລໍກວດ ໃນໜ້າຫຼັກ. ທຽບ "ຍອດທີ່ຕ້ອງຈ່າຍ" ກັບສະລິບ:

• ຍອດຖືກ → ສະຖານະເປັນ "ຈ່າຍແລ້ວ".
• ຍອດບໍ່ກົງ → ລູກຄ້າຈະເຫັນ ແລະ ສົ່ງສະລິບໃໝ່ຜ່ານລິ້ງເກົ່າໄດ້.

2 · ສະແກນອອກ (ມອບ + ຮັບເງິນ)

1. ລູກຄ້າມາຮັບ: ຍິງເລກພັດສະດຸ → ເຫັນລູກຄ້າ ແລະ ຍອດທີ່ດຶງມາຈາກຕອນສະແກນເຂົ້າ.
2. ເລືອກ ຈ່າຍແນວໃດ: ເງິນສົດ · ໂອນ (ຖ່າຍຮູບຫຼັກຖານ) · ຕິດໜີ້.
3. ບໍ່ມີຫຼັກຖານການໂອນ = ປ້າຍແດງ "ຄ້າງຈ່າຍ"; ມີຫຼັກຖານ ຫຼື ລູກຄ້າແນບສະລິບແລ້ວ = ປ້າຍຂຽວ "ຈ່າຍສຳເລັດແລ້ວ".
4. ກົດ ຢືນຢັນມອບພັດສະດຸ → ໄດ້ເລກ AO-. ສະແກນຫຼາຍກ່ອງຂອງລູກຄ້າຄົນດຽວ ລວມໃນເລກດຽວໄດ້.

ຍິງກ່ອງທີ່ມອບໄປແລ້ວ → ແອັບຂຶ້ນ "ມອບໃຫ້ລູກຄ້າແລ້ວ (AO-…)" ບອກວ່າໃຜມອບ — ກັນການມອບຊ້ຳ.

3 · ຮັບຫິ້ວ (ສັ່ງເຄື່ອງແທນລູກຄ້າ)

1. ກົດ ສ້າງອໍເດີຮັບຫິ້ວ → ເລືອກລູກຄ້າ, ຊື່ຮ້ານ, ລິ້ງສິນຄ້າ (ຫຼາຍລິ້ງໄດ້ + ລາຍລະອຽດສີ/ໄຊ/ຈຳນວນ).
2. ໃສ່ ລາຄາທີ່ສັ່ງ ແລະ ລາຄາແຈ້ງລູກຄ້າ → ກຳໄລຄິດໃຫ້ເອງ.
3. ຊ່ອງທາງສັ່ງ (Shopee, Lazada, TikTok…) · ຈ່າຍທາງ (K PLUS, ພ້ອມເພ…) · ເລກຄຳສັ່ງຊື້ · ຮູບຫຼັກຖານ.
4. ສະຖານະ: ລໍສັ່ງ → ສັ່ງແລ້ວ → ຮ້ານສົ່ງແລ້ວ → ຮອດໜອງຄາຍ → ຮອດລາວ (ປ່ຽນເອງເມື່ອເລກພັດສະດຸຖືກສະແກນ) → ສຳເລັດ / ຍົກເລີກ.

ຜູ້ສ້າງອໍເດີ (ແອັດມິນ) ແລະ ຜູ້ສັ່ງ/ແກ້ສະຖານະລ່າສຸດ ບັນທຶກແຍກກັນອັດຕະໂນມັດ.

4 · ເກັບປາຍທາງ (COD)

ສິນຄ້າທີ່ລູກຄ້າສັ່ງແບບເກັບປາຍທາງ — ຮ້ານຈ່າຍແທນທີ່ໄທ ແລ້ວລູກຄ້າຈ່າຍຄືນ.

1. ກົດ ສ້າງ COD: ເລກພັດສະດຸ, ລູກຄ້າ, ຊື່ຮ້ານ, ຍອດເກັບປາຍທາງ (ບາດ).
2. ພັດສະດຸຢູ່ໃສ ປ່ຽນເອງ: ຍັງບໍ່ຮອດ → ຮອດໜອງຄາຍ (ໜອງຄາຍສ້າງອໍເດີ) → ຮອດລາວ (HQ ສະແກນເຂົ້າ).
3. ສົ່ງລິ້ງໃຫ້ລູກຄ້າແນບສະລິບ → ກວດຍອດ.

ສາຂາລາວສ້າງ COD ໄດ້ຄືກັນ — ຈະຂຶ້ນໃນລາຍການ COD ຂອງ HQ ພ້ອມບອກວ່າຈາກສາຂາໃດ. ລູກຄ້າກໍສ້າງເອງໄດ້ໃນແອັບລູກຄ້າ (ຂຶ້ນປ້າຍ "ຈາກແອັບລູກຄ້າ").

5 · ໂອນເງິນ (ຈ່າຍແທນລູກຄ້າເຂົ້າບັນຊີໄທ)

1. ກົດ ສ້າງໂອນເງິນ → ເລືອກລູກຄ້າ → ສົ່ງລິ້ງ.
2. ລູກຄ້າກອກ ທະນາຄານ, ເລກບັນຊີ, ຊື່ບັນຊີ, ຍອດໂອນ (ບາດ) ເອງ → ລະບົບຄິດ ຄ່າບໍລິການ ແລະ ຍອດລວມເປັນກີບ ຕາມອັດຕາມື້ນີ້ → ລູກຄ້າສະແກນ QR ຈ່າຍ ແລະ ແນບສະລິບ.
3. HQ ກວດສະລິບ (ຍອດຖືກ/ບໍ່ກົງ) → ໂອນໃຫ້ລູກຄ້າ → ແນບໃບສະລິບບັນຊີໄທ → ສະຖານະ "ໂອນແລ້ວ".
4. ກຳໄລ = ຍອດທີ່ລູກຄ້າຈ່າຍ − ຍອດໂອນ.

6 · ສົ່ງລາວ → ໄທ

1. ກົດ ສ້າງອໍເດີ: ເລກພັດສະດຸ, ລູກຄ້າ, ຂະໜາດ/ນ້ຳໜັກ, ຮູບ.
2. ຄ່າບໍລິການ ຄິດຈາກຕາຕະລາງ "ລາຄາສົ່ງ ລາວ → ໄທ" (ແກ້ເອງໄດ້); ຕົ້ນທຶນ = ຄ່າສົ່ງຝັ່ງໄທ (ບາດ).
3. ສົ່ງລິ້ງ → ລູກຄ້າຈ່າຍດ້ວຍ QR ແລະ ແນບສະລິບ → ກວດຍອດ.
4. ກຳໄລ = ຄ່າບໍລິການ − ຕົ້ນທຶນ.

7 · ສ້າງບິນ (ເກັບເງິນສາຂາ ແລະ ຕົວແທນ)

1. ເລືອກ ສາຂາ ຫຼື ຕົວແທນ.
2. ເລືອກກ່ອງ: ວັນດຽວ (ວັນທີສະແກນເຂົ້າ) ຫຼື ທຸກກ່ອງທີ່ຍັງຄ້າງ. ກ່ອງທີ່ອອກບິນແລ້ວ ຈະບໍ່ຖືກນັບຊ້ຳ.
3. ກົດ ບັນທຶກ + ອອກບິນ → ເລກ BL-: ວັນທີ, ລຳດັບ, ຊື່ສາຂາ, ຊື່ລູກຄ້າປາຍທາງ, ເລກພັດສະດຸ, ຄ່າສົ່ງ, ລວມ, ລາຍເຊັນຜູ້ຮັບ ແລະ ຜູ້ເບີກ.
4. ພິມ 80mm, PDF A4 ຫຼື ແບ່ງປັນ. ເມື່ອຮັບເງິນແລ້ວ ແຕະບິນ → ໝາຍວ່າຈ່າຍແລ້ວ.

1 · ສະແກນເຂົ້າສາຂາ

1. ຍິງເລກພັດສະດຸທີ່ HQ ສົ່ງມາ → ຂະໜາດ, ນ້ຳໜັກ, ຊື່ລູກຄ້າ ດຶງມາຈາກ HQ.
2. ຕົ້ນທຶນ = ລາຄາທີ່ HQ ເກັບສາຂາ (ຂຶ້ນເອງ, ແກ້ບໍ່ໄດ້).
3. ໃສ່ ລາຄາຂອງສາຂາ ທີ່ຈະເກັບລູກຄ້າ → ກຳໄລສາຂາ ຄິດໃຫ້ເອງ.
4. ບັນທຶກ → ເລກ BR- ແລະ ສົ່ງລິ້ງແຈ້ງລູກຄ້າ (ລູກຄ້າເຫັນແຕ່ລາຄາສາຂາ).

ແອັບບລັອກໃຫ້: ກ່ອງຂອງສາຂາອື່ນ, ກ່ອງທີ່ HQ ຍັງບໍ່ສະແກນເຂົ້າ, ແລະ ກ່ອງທີ່ມອບໄປແລ້ວ.

2 · ສະແກນອອກສາຂາ

ຄືກັບ HQ: ຍິງເລກ → ຍອດດຶງຈາກລາຄາສາຂາ → ເລືອກເງິນສົດ / ໂອນ (ຫຼັກຖານ) / ຕິດໜີ້ → ຢືນຢັນມອບພັດສະດຸ → ເລກ BO-.

ພະນັກງານສົ່ງລິ້ງເຂົ້າແອັບ (ຄັ້ງທຳອິດ)

1. ແຖບ ລູກຄ້າ → ເລືອກລູກຄ້າ (ຕ້ອງມີເບີມືຖື 020… ຫຼື ເບີໄທ).
2. ກົດ ສົ່ງລິ້ງເຂົ້າແອັບລູກຄ້າ → ສົ່ງທາງ WhatsApp / Messenger ຂອງລູກຄ້າຄົນນັ້ນເທົ່ານັ້ນ.

ລິ້ງໃຊ້ໄດ້ ຄັ້ງດຽວ ພາຍໃນ 7 ວັນ. ສົ່ງລິ້ງໃໝ່ = ລິ້ງເກົ່າໃຊ້ບໍ່ໄດ້. ລູກຄ້າສະໝັກເອງບໍ່ໄດ້ — ເພື່ອບໍ່ໃຫ້ຄົນອື່ນເອົາເບີລູກຄ້າມາເບິ່ງເຄື່ອງຂອງເຂົາ.

ລູກຄ້າ: ແຕະລິ້ງ → ຕັ້ງ PIN → ເຂົ້າດ້ວຍ ເບີ + PIN

1. ແຕະລິ້ງ → ເຂົ້າແອັບທັນທີ ບໍ່ຕ້ອງພິມຫຍັງ → ຂຶ້ນກ່ອງ ຕັ້ງ PIN 6 ຕົວ (ຫ້າມໃຊ້ 123456 ຫຼື ເລກຊ້ຳກັນ).
2. ຄັ້ງຕໍ່ໄປ (ເຄື່ອງໃດກໍໄດ້): ແຖບ ຂອງຂ້ອຍ → ໃສ່ ເບີໂທ + PIN.
3. ລືມ PIN / ປ່ຽນເຄື່ອງ: ທັກຫາຮ້ານຂໍລິ້ງໃໝ່. ປ່ຽນ PIN ໄດ້ທີ່ເມນູບັນຊີ (ມຸມຂວາເທິງ).

ໃສ່ PIN ຜິດ 5 ເທື່ອ ຈະລັອກ 15 ນາທີ.

ສິ່ງທີ່ລູກຄ້າເຮັດໄດ້ໃນແອັບ

• ຕິດຕາມ — ໃສ່ເລກພັດສະດຸ ເບິ່ງວ່າຢູ່ຂັ້ນໃດ (ບໍ່ຕ້ອງ login, ບໍ່ສະແດງຊື່ ແລະ ລາຄາ).
• ຂອງຂ້ອຍ — ພັດສະດຸ, COD, ໂອນເງິນ ທັງໝົດຂອງເບີຕົນ; ແຕະເພື່ອເບິ່ງລາຍລະອຽດ ແລະ ແນບສະລິບ.
• ບໍລິການ — ສ້າງຄຳສັ່ງ COD ເອງ ຫຼື ຂໍໃຊ້ບໍລິການໂອນເງິນ → ເຂົ້າລາຍການຂອງ HQ ທັນທີ.
• ສາຂາ — ທີ່ຕັ້ງ, ເວລາເປີດ, ປຸ່ມໂທ ແລະ ແຜນທີ່ ຂອງທຸກສາຂາ.

ພາບລວມ (ກຳໄລ ແລະ ວຽກຄ້າງ)

• ເລືອກ ມື້ນີ້ / 7 ມື້ / ເດືອນນີ້.
• ລາຍຮັບ (ທຽບຊ່ວງກ່ອນ), ກຳໄລສຸດທິ = ກຳໄລບໍລິການ − ລາຍຈ່າຍ, ພັດສະດຸເຂົ້າ HQ, ວຽກຄ້າງ.
• ກຳໄລແຍກບໍລິການ: ຄ່າຂົນສົ່ງ, ຮັບຫິ້ວ, ໂອນເງິນ, ຄ່າຝາກໜອງຄາຍ, ສົ່ງລາວ→ໄທ.
• ຕ້ອງເຮັດດຽວນີ້: ສະລິບລໍກວດ, COD ຄ້າງເກີນ 3 ມື້, ກ່ອງຂຶ້ນລົດແລ້ວແຕ່ຍັງບໍ່ສະແກນເຂົ້າ, ບິນຄ້າງຈ່າຍ — ແຕະເພື່ອໄປເຮັດ.
• ທຽບສາຂາ: ຈຳນວນເຂົ້າ/ອອກ ແລະ ກຳໄລ ຂອງແຕ່ລະສາຂາ. ສົ່ງອອກເປັນ CSV (ເປີດໃນ Excel) ໄດ້.

ວິທີນັບ: ຄ່າຂົນສົ່ງນັບມື້ທີ່ສະແກນເຂົ້າ HQ · ໂອນເງິນ ແລະ ລາວ→ໄທ ນັບສະເພາະທີ່ຈ່າຍແລ້ວ · ເງິນບາດຄິດຕາມອັດຕາມື້ນີ້. ພະນັກງານເບິ່ງໜ້ານີ້ບໍ່ໄດ້.

ຕາຕະລາງລາຄາຂົນສົ່ງ

1. ຕັ້ງຄ່າ → ຕາຕະລາງຄ່າຂົນສົ່ງ → ເລືອກແຖບ ລູກຄ້າ / ສາຂາ / ຕົວແທນ (ແຕ່ລະປະເພດລາຄາຕ່າງກັນ).
2. ຕາມຂະໜາດ: "ບໍ່ເກີນ X ຊມ (ກວ້າງ+ຍາວ+ສູງ) = Y ກີບ". ຕາມນ້ຳໜັກ: "ບໍ່ເກີນ X ກກ = Y ກີບ".
3. ເກີນຂັ້ນສຸດທ້າຍ: ບວກເພີ່ມຕໍ່ກິໂລ.
4. ລະບົບຄິດທັງສອງແບບ ແລ້ວ ເອົາອັນທີ່ແພງກວ່າ (ຄືກັບ Flash / Kerry).

ຕົວຢ່າງ ສາຂາ: ກ່ອງ 60 ຊມ ໜັກ 1.5 ກກ → ຂະໜາດ 22,000 · ນ້ຳໜັກ 18,000 → 22,000 ກີບ.

ອັດຕາແລກປ່ຽນ · ຄ່າບໍລິການໂອນ · QR ຂອງຮ້ານ

• ອັດຕາແລກປ່ຽນ ບາດ → ກີບ: ໃຊ້ ຊ່ອງທຳອິດ (ອັດຕາ THB → LAK) ເທົ່ານັ້ນ. ຕ້ອງຕັ້ງກ່ອນ — ບໍ່ດັ່ງນັ້ນລູກຄ້າສົ່ງຄຳຂໍໂອນເງິນບໍ່ໄດ້. ຊ່ອງລຸ່ມໆ (ລາຄາຕໍ່ກິໂລແຍກປະເພດສິນຄ້າ) ບໍ່ໄດ້ໃຊ້ໃນລະບົບນີ້.
• ຄ່າບໍລິການໂອນເງິນ: ເປີເຊັນຂອງຍອດ ແລະ ຄ່າບໍລິການຕ່ຳສຸດ — ມີຊ່ອງທົດລອງຄິດໃຫ້ເບິ່ງ.
• QR ຮັບໂອນຂອງຮ້ານ: ສະແກນ QR ຮ້ານ (ດ້ວຍກ້ອງ) ຫຼື ເລືອກຮູບ, ໃສ່ຂໍ້ມູນບັນຊີ — ຂຶ້ນໃນທຸກລິ້ງລູກຄ້າ.

ເວັບໄຊ, ຂ່າວ & ໂປຣ

• ຕັ້ງຄ່າ → ຂ່າວ & ໂປຣ: ກົດ ເພີ່ມໂປຣ / ຂ່າວ → ເລືອກຮູບໂປສເຕີ, ຫົວຂໍ້, ລາຍລະອຽດ, ວັນເລີ່ມ–ວັນໝົດ → ບັນທຶກ. ຂຶ້ນ ໃນເວັບໄຊ ແລະ ແອັບລູກຄ້າ ທັນທີ; ໝົດວັນແລ້ວເຊື່ອງເອງ.
• ປັກໝຸດ = ຢູ່ເທິງສຸດ. ເຊື່ອງໄວ້ກ່ອນ = ກຽມໄວ້ຍັງບໍ່ສະແດງ. ສຳເນົາລິ້ງແບ່ງປັນ → ວາງໃນ Facebook ຈະຂຶ້ນຮູບໂປສເຕີ.
• ຕັ້ງຄ່າ → ເວັບໄຊ & ຕິດຕໍ່: ເບີໂທ, WhatsApp, Facebook, LINE, ເວລາເຮັດການ, ແຈ້ງການເທິງສຸດ ແລະ ທີ່ຢູ່ສາງໜອງຄາຍ ທີ່ລູກຄ້າສຳເນົາໄປໃສ່ຕອນສັ່ງເຄື່ອງ.
• ເວັບໄຊ: https://littleexpresslao.com — ຕິດຕາມພັດສະດຸ, ສຳເນົາທີ່ຢູ່ສາງ, ບໍລິການ, ສາຂາ, ດາວໂຫຼດແອັບ.

ພະນັກງານ ແລະ ສາຂາ

• ພະນັກງານ → ເພີ່ມພະນັກງານ: ຊື່, ອີເມວ (ໃຊ້ login), ລະຫັດຜ່ານ (6 ຕົວຂຶ້ນໄປ), ສາຂາ. ແກ້ ແລະ ລຶບບັນຊີໄດ້ສະເພາະເຈົ້າຂອງ.
• ສາຂາ: ຊື່ (ລາວ/ໄທ), ເບີໂທ, ລິ້ງ Google Maps, ເວລາເປີດ, ຮູບໜ້າຮ້ານ — ຂຶ້ນໃນແອັບລູກຄ້າ ແຖບ "ສາຂາ".
• ກ່ອງ ແລະ ຄ່າຮັບພັດສະດຸ: ແກ້ລາຍການກ່ອງມາດຕະຖານ ແລະ ຕົວເລືອກ 0 / 5 / 10 ບາດ.